Ammakku Pallopo’ Nyawaku
Angsingarri sassanna nyawaku
A’muru’ batang kalennu anjari benteng pammanjenganku
Ancuru’ bone lalannu anjari pallopo ilalang tinroku
Ikatte minne angrong,angrong mallassukanku
Taena allo taena bangngi anjagaiyya ilalang tinroku
Ammatti je’ne matannu assolong ri barambannu
Anciniki inakke minne anak passolongang ceraknu
Ammakku pallopo nyawaku
Ikaupa ampakasannangi atinku
Ambonei ngaseng simpunna nyawaku
Amballei paccena parrukku
Ammakku pallopo nyawaku
Kodina sifa’nu a’lampa tama saile
A’boko ta’ mapparikongang
Tanu saile jari jarinu ilalanna anne linoa
Ammakku pallopo nyawaku
Erok tonga ni remba remba
Niraka’ tama nilappassang
Ni dengnge ta’julang julang
Mingka apami pale ka tena kulleku rikodong
Ampoleangi erokna karaenta allah ta’ala
nu ammoterang attinro tambangung bangung
Ikaumi antu angrong,amma pallopo nyawaku | kumpulan-puisi
Pengarang:
Sinai
